2025-ci ildə “Auqsburq”u məğlub edən yeganə klub “Ştutqart”dır – “fuggerlər” həmin oyunda 0:1 məğlub oldu. “Şvaablar”a məğlub olduqdan sonra Yess Torupun kollektivi heç kimə boyun əyməyib – 3 qələbə + eyni sayda heç-heçə. Hazırda Bavariya torpağının təmsilçisi düşmə xəttindən 13 xal uzaqlaşıb və Avrokuboklara vəsiqə qazanmağın xəyallarını qurur.

Şlotterbek, Matsima, Reçbeçay, Munye son məşqdə iştirak edə bilməyib. Səbəb – xəstəlik. Onların bugünkü qarşılaşmada oynaması ilə bağlı qərar oyun öncəsi veriləcək. Əsas narahatlıq isə yeni zamanda Şlotterbek və Matsimanın sıradan çıxması ilə bağlıdır. Əgər onlar oynamasa, bu, komandanın müdafiəsinə ciddi təsir edəcək. Sol vinger Dimitris Yannulis isə diskvalifikasiyadan sonra start heyətdə yerini alacaq.

Son oyunlarda “Auqsburq”un hücum xətti o qədər də kəsərli görünmür. Məsələn, “Mayns”, “Ştutqart” və “St. Pauli” ilə oyunlarda “Auqsburq” cəmi 1.16 xG gözləntisi yığa bilib. Cəmi bu 3 oyunda Torupun kollektivi cəmi 1 qol vurub. Texnikalı Varqas qış transfer pəncərəsində getdikdən sonra hücumda kreativlik çatışmır. İlk oyunlarda bu özünü çox biruzə verməsə də, ardınca olanlar oldu…

Ötən turda “St. Pauli”ni məğlub edən “Leypsiq” 3 oyunluq qalibiyyətsiz seriyasına son qoydu. Hazırda 4-cü sıradakı yerini qoruyan “Leypsiq”in statistikası o qədər də inamlı deyil. Son 7 oyunda Marko Rozenin kollektivi cəmi 2 qələbə əldə edib (2 məğlubiyyət + 3 bərabərlik). “Leypsiq”in Çempionlar Liqasındakı əzab-əziyyəti bitdi və onlar hazırda Bundesliqaya köklənə bilərlər.

Bugünkü qarşılaşmada qırmızı kart cəzalısı olan mərkəz müdafiəçisi və kapitan Villi Orban oynamayacaq. Onun yerində Lukas Klostermann və ya 19 yaşlı Bişab oynaya bilər. Yeri gəlmişkən, Bişab “Bayer Leverkuzen” ilə oyunda yaxşı oyunla yadda qalmışdı.

“Leypsiq”in səfər oyunlarındakı problemləri davam edir – son 5 səfər oyununda “öküzlər” 3 dəfə uduzub və 2 dəfə heç-heçə edib. Yeri gəlmişkən, son dönəmlərdə “Auqsburq” ilə səfər oyunları “Leypsiq” üçün uğurlu alınmır.

Sanki bizi qollu, lakin bol qollu olmayan bərabərlik gözləiyir.

Hesab təxmini: 1:1