Ötən ilin son turunda Nuri Şahinin kollektivi “В последнем туре прошлого года команда Нури Шахина переиграла”Volfsburq”a 3:1 qalib gəldi və istirahətə hər mənada bayram əhval-ruhiyyəsində yollandı. Düzdür, həmin oyunda “arılar” birmənalı oyun sərgiləmədi – hər iki hissədə fərqli “Dortmund” gördük. Lakin olduqca vacib 3 xalı götürmək mümkün oldu. “Dortmund” noyabrın sonundan etibarən ilk qələbəsini qazanmışdı. “Dortmund” həddən artıq çox xal itirdi və Avrokuboklarda iştirak etmək hüququ verən zonada güc-bəla ilə qala bilib.

Daimi zədələr və itkilər “Dortmund”un yaxasından əl çəkmir. Niklas Züle hələ də zədəlidir, Valdemar Anton isə xəstələnib. Onsuz da axsaq atı xatırladan “Dortmund” müdafiəsi üçün çox ciddi itkidir. Böyük ehtimalla, Emre Can mərkəz müdafiəçisi qismində start heyətdə çıxacaq. Dayaq yarımmüdafiə zonasında isə Lukas Nmeçanın çiyninə çox ağır yük düşəcək. Çünki Paskal Qross qırmızı kart cəzalısıdır. Marsel Zabitserin durumu isə idealdan çox uzaqdır. Görünür, Nuri Şahin olduqca riskli eksperimentlər etməyə vadar olacaq.

Neqativlərə baxmayaraq, “Dortmund” liqanın ən yaxşı ev komandası statusunu qoruyur. “Volfsburq” üzərində əldə olunan qələbə sezonun ilk səfər qələbəsi idi. Səkkiz ev oyununda isə “arılar” hələ uduzmayıb. Bu gün “Dortmund” ötən mövsümün çempionunu qonaq edir, lakin son 10 il ərzində Vestfaliya təmsilçisi “əczaçılar”a qarşı heç də qonaqpərvər olmayıb – cəmi 1 dəfə uduzub…

Hazırkı çempion mövsümə o qədər də stabil başlamadı. Lakin Çabi Alonso növbəti dəfə durumu düzəldə bildi və Leverkuzenlilər qələbələri sıralamağa başladı. Üstəlik, yerli çempionatdakı qələbə seriyası 5-ə çatdı – heç bir komandada belə bir statistika yoxdur. Bunun hesabına “əczaçılar” liderlə xal fərqini 4-ə endirdi.

Alonso da kart itkisindən əziyyət çəkir. Əvvəla, Bonifeys və Adli bu gün oynamayacaq. İkincisi, Qranit Cakanın oynaması sual altındadır. Böyük ehtimal, dayaq yarımmüdafiə zonasında Andrix-Palasios cütlüyünü görəcəyik.

Bonifeysin yoxluğundan Patrik Şik maksimum istifadə etdi. Çexiyalı forvard artıq bombardirlər siyahısına girə bilib. Onun vurduğu qolların tən yarısı Florian Virtzin ötürməsi nəticəsində qeydə alınıb. Görünür, bu tandem rəqib müdafiəsini bu gün xeyli narahat edəcək.

Yeni ildə Bundesliqanın açılış oyunu bundan gözəl ola bilməzdi. “Dortmund”un turnir cədvəlindəki yeri və ev sahibi olması bu oyunu daha maraqlı edəcək. Turun mərkəzi oyununa yaraşan bol qollu bir qarşılaşma gözləyirəm.

Hesab təxmini: 2:2