Ardıcıl 5 qələbədən sonra “Bolonya” Cüzeppe Meazzada “İnter”in seriyasını qıra bildi. Simone İnzaginin komandası həmin oyunda çox çətinlik çəkdi. “Rossoblu” haqq etdiyi 1 xalı Milandan apara bildi. Bugünkü oyundan öncə İnzagi ilk növbədə kollektivini psixoloji olaraq hazırlamalıdır…

“Empoli” ilə oyunda İnzagi rotasiyaya gedə bilər, çünki həftə içi Çempionlar Liqasında oyunu var. Ehtimal etmək olar ki, müdafiədə Auqusto-De Vrey-Pavar triosu ilk dəqiqələrdən meydana çıxa bilər. Asslani məşqçini qane etmir, bu baxımdan Zelinskinin yeri toxunulmaz qala bilər. Üstəlik, Çalhanoğlu və Bissekin oynamayacağı dəqiqdir.

“Neradzurri” tarixən “Empoli” ilə oyunlarda səhvə yola vermir. H2H tarixçəyə baxmaq kifayət edir…

“Empopli” 5 oyundur qələbə üzünə həsrətdir. Əslində ilk dövrədə Roberto D`Aversanın kollektivi 20 xal yığaraq optimistik fanatlarını çox sevindirmişdi. Lakin ardınca sanki toskaniyalıların start enerjisi tükəndi. Üstəlik, bu komandanın bəzi oyunlarda bəxti də gətirmədi. Digər tərəfdən son 3 oyunda onların rəqibləri liqada qalmaq uğrunda mübarizə aparan klublar idi, lakin “Empoli” bu oyunlarda cəmi 1 xal yığdı.

Adətən “Empoli” qollu qarşılaşmalarla hər kəsi sevindirmədiyi halda, son oyunlarda stabil vurmağa başlayıb… Üstəlik, səfərdə “Empoli” daha çox məhsuldardır: 19 qoldan 15-i məhz səfərdə vurulub. Yalnız “Milan” onları durdura bilib…

Unutmayaq ki, “Empoli”nin əsas qol silahı kirayələrdə qalan Sebastiano Espozito “Inter” yetirməsidir… Onun aktivində hazırda 9 qol var + son 6 oyunda 6 qol vura bilib. Sahiblərinə özünü isbat etmək üçün əla fürsət düşüb…

Düşünürəm ki, xal itkisindən sonra “Inter” çempionluq yarışından qopmamaq üçün tarixən əla üstünlüyə sahib olduğu rəqibini udmalıdır. “Empoli”nin səfər performansını nəzərə alsaq, oyunda azı 2 qol görməyimiz normaldır. Lakin düşünürəm ki, “Inter” klass hesabına qalib gəlmək iqtidarındadır.

Hesab təxmini: 2:1