“İnter” ÇL-də hələlik, yumşaq desək, qeyri-adi heç nə etmir, bir çox halda ehtiyyat oyunçuları buraxır, rotasiyalara gedir. Buna baxmayaraq, Simone İnzaginin komandası 4 turun yekunlarına əsasən, Pley-offa vəsiqə əldə etməyə ən real iştirakçılardan biridir. “Leypsiq” ilə ev oyununda bu istiqamətdə daha bir qətiyyətli addım atıla bilər…

“Leypsiq”in durumu isə qəribədir. Dörd oyundan sonra onların aktivində heç nə yoxdur. Halbuki, “Atletiko”, “Yuventus” və “Seltik” ilə oyunda hesabı açan məhz onlar idi.

“İnter”in “ekonom rejim”də yoluna davam etməsi proqnozçuları və mərcsevərləri bir qədər çaşdırır. Yenə də rotasiya olacaqmı? Olacaqsa, hansı miqyasda olacaq? Onların qarşısında isə 4 oyundur qələbə üzünə həsrət qalan və arsenalında Benjamin Şeşko, Loi Openda kimi təhlükəli oyunçuları olan komanda var…

Maraqlı nüans gözümə sataşdı: “İnter”in ÇL-dəki son 5 qələbəsindən 4-ü məhz 1 to fərqlə qeydə alınıb; eyni zamanda “Leypsiq”in də Avropa səhnəsindəki son 5 məğlubiyyətindən 4-ü 1 top fərqlə müşayiət olunub.

Deyilənlərdən belə bir yola çıxmaq olar: Leypsiq 2 top fərqlə uduzmayacaq…