“Leypsiq” yeni formatda keçirilən Çempionlar Liqasını, yumşaq desək, batırdı… 6 turun ardından Marko Rozenin yetirmələri turnir cədvəlinin dibində qərarlaşıb və “Slovan”, “Yanq Boyz” kimi klublara taydır. Hərçənd, maddi və digər resursları qat-qat onlardan üstündür. Məhz bu amil Marko Rozenin klubdakı gələcəyini sual altına qoyur. Lakin bu o demək deyil ki, “Leypsiq” bugünkü görüşü “yola verəcək”. Hər şey bir kənara, bu, bir prestij matçıdır. Yığılan xal və ya xallar bu baxımdan çox önəmlidir. Lakin saksonlar heç də gözə yaxşı dəymir – son 4 oyunda cəmi 1 qələbə əldə olunub…

“Leypsiq”in kadr problemləri həll olunmaqdadır və Rozeni müəyyən rotasiyaya gedə bilər. Baş məşqçi təsdiqləyib ki, bugünkü qarşılaşmada qapını gənc Marten Vandevordt qoruyacaq. O, sonuncu dəfə sentyabrın ortasında start heyətdə çıxmışdı. Gənc müdafiəçi Kastello Lükiba da məşqlərə başlayıb, lakin onunla bağlı qərar qəbul olunmayıb. Şlager və Baku isə bugünkü görüşü buraxacaq (sifariş ərizəsində olmadıqları üçün). Təkcə Benjamin Henriks ciddi zədədən əziyyət çəkir.

Sezon startı ilə müqayisədə “öküzlər”in müdafiəçi hər ötən matçda müəyyən yerlərdən çat verir. Halbuki, mövsümün əvvəlində “Leypsiq” meydanın özünə aid olan hissəsində az qala nümunəvi oyun sərgiləyirdi. Sonuncu dəfə alman təmsilçisi dekabrın əvvəlində qol buraxmayıb. Bu azmış kimi, son 4 oyunda Rozenin komandası 12 top buraxıb. “Leypsiq”in oyunlarını izləyənlər bilir ki, bu qolların buraxılmasında əsas səbəb müdafiədəki boşluqlar deyil. Belə ki, komanda konsentrasiyasını çox tez itirir. Ən bəsit nümunə “Bohum” ilə keçirilən son oyundur – həmin oyunda saksonlar autsayderdən 3 top buraxdı.

ÇL-ə gəlincə, “öküzlər” bütün oyunlarda 1-ci hissədə qol buraxıb. Hətta “Seltik” də bu trendə qoşula bilib…

“Sportinq” qısa müddət ərzində ÇL-in eyni mərhələsində artıq 3-cü məşqçi ilə çıxacaq. Ruben Amorimin gedişi komandanın çox sürətli proqressini ləngitdi. Joao Perreyra ilə ümumiyyətlə heç bir inkişaf yox idi. İndi isə “Sportinq”in köhnə formasını Rui Borjeş bərpa etməyə çalışır. Maraqlıdır ki, Borjeş Amorimin taktikasına ciddi dəyişiklik edir və bu “Sportinq”in oyunlarında adi gözlə görünür. Onun gəlişindən sonra lissabonlular 3 qələbə qazanıb və 2 heç-heçəyə razılaşıb. ÇL-də isə, sözsüz ki, əsas hədəf TOP-8 klubları arasında yer almaqdır.

Daha bir maraqlı məqam odur ki, baş məşqçi zədəsi olan Viktor Gyökereşin oynamasının riskli olmasına işarə edib. Yeni “kouç” artıq bir neçə dəfə hər kəsi təəccübləndirməyi bacarıb. Gələr-gəlməz 3-lü müdafiə sistemindən imtina edib və 2-li mərkəz hücumçusu formatına adaptasiya olunan komanda qurmağa başlayıb. Təbii ki, mövsümdə 33 qol və son 4 oyunda fərqlənən superforvarddan vaz keçəcəyi inandırıcı deyil. Mateus Reis, Nunu Santuş və Pedro Qonsalveş hələ də zədəsini sağaldır. Lakin Daniel Braqansanın qayıdışı, təbii ki, sevindirici xəbərdir.

“Sportinq” səfərdə axsayır… Ötən turda “Riu Avi”ni səfərdə məğlub edərək “Sportinq” noyabrın əvvəlindən səfərdə ilk qələbəsini əldə etdi. O cümlədən, “şirlər” səfərdə “Brügge” qarşısında da boyun əydi – 1:2. Ümumiyyətlə, ÇL çərçivəsində “Sportinq” 3 səfər oyunundan cəmi 1-ni qazanıb. Ona görə, bugünkü oyun o qədər də asan olmayacaq.

Hər iki komandanın hücum potensialını nəzərə alaraq, bol qollu bir qarşılaşma gözləyirəm…

Hesab təxmini: 2:2