“Lill” ilk turda səfərdə “Sportinq”ə məğlub oldu. Komandanın Fransa çempionatında da işləri yaxşı getmir – “Strasburq” ilə 3:3 başa çatan trillerdən sonra komanda nəhayət uğursuzluq zolağından çıxa bildi… Lakin komandanın durumu qeyri-müəyyən olaraq qalır. Buna təsir edən amillərdən biri də komandada zədəlilərin sayının çox olmasıdır. Bu azmış kimi, “Sportinq” ilə oyunda komandanın əsas yarımmüdafiəçilərindən biri olan Anxel Qomes qırmızı kart alıb və bu oyunu buraxacaq.

“Real” isə Fransaya, sözün hər mənasında, yorucu Madrid derbisindən çıxaraq gəlir. Həmin derbidə “kral klubu” əsas qapışısı Tibo Kurtuanı itirdi. Bu gün qapını, böyük ehtimalla, ukraynalı Andrey Lunin qoruyacaq. Killian Mbappe isə komanda ilə məşqlərə qoşulub, lakin oynayacağı sual altındadır. Bu arada “Marca” yazır ki, türkiyəli ulduz Arda Güler oyuna start heyətdə başlayacaq. Komandada başqa qlobal dəyişiklik yoxdur.

Mbappesiz belə, “Real Madrid”in hücum xətti istənilən rəqibi qorxudur. “Ştutqart” ilə ilk oyunda almanlar olduqca basqılı başlasalar belə, “kral klubu” klass hesabına qonaqlara yerini göstərdi. “Lill”in durumu ürəkaçan deyil. “Dog”lar 2012-ci ildən etibarən ilk dəfə ÇL-də ardıcıl 4 tur məğlub ola bilər.

Hesab təxmini: 1:3