ÇL çərçivəsində Parisə səfərindən öncə “Manşester Siti” oyun baxımından xeyli artım nümayiş etdirmişdi. Düzdür, rəqiblərdə biri liqada qalmaq uğrunda mübarizə aparan “İpsviç” idi, lakin 6 cavabsız top vurmaq Pep Qvardiolanın yetirmlərinə hava-su kimi lazım idi. PSJ isə “şəhərlilər”i göydən yerə endirdi. Həmin trillerdən sonra məlum oldu ki, “Mançester Siti”nin ÇL yolu tıxana bilər. Bugünkü qarşılaşmadan sonra “mavilər” ÇL çərçivəsində “Brügge” ilə ölüm-dirim savaşına çıxacaq. Hər iki görüşdə Pep maksimal nəticə əldə etməyə məcburdur.

Vacib oyun öncəsi Pepin itkiləri kifayət qədərdir. Hamı Rodrinin dönüşünü səbrsizliklə gözləyir. Bundan başqa, PSJ ilə oyunda müdafiənin lideri Ruben Diaş zədələndi. Bugünkü qarşılaşmada onun oynamayacağı dəqiqdir. Bu azmış kimi, Ake və Doku da oynamayacaq.

Hətta böhrün dönəmində belə “Mançester Siti” üslubunu dəyişmədi və hücum taktikasına sadiq qaldı. Pepin yetirmələri stabil olaraq fərqlənir – hətta qələbə üzünə həsrət qaldıqları 6 oyunluq seriyada belə onlar azı 2 qol vura bildi. Ümumiyyətlə, “Mançester Siti” müəyyən dönəmlərdə (böhran daxil) 3 qol ortalamasına çatmışdı.

“Çelsi” bu mövsüm hər kəsi yaxşı mənada təəccübləndirsə də, son dönəmlərdə onların oyununda ciddi eniş baş verdi. Hazırda onlar da çempionluqdan əlini üzüb və sadəcə avrokuboklar, xüsusilə ÇL uğurnda mübarizə aparır.

“Zadəganlar”ın ən ciddi itkiləri müdafiədədir. Fofana və Badiaşil bugünkü oyunu buraxmalı olacaq. Enzo Fernandezin oynama ehtimalı isə yüksəlib. Məhz müdafiədəki axsaqlıq Enzo Mareskanın həll edə bilmədiyi problemdir. Son 6 oyunda “Çelsi” yalnız 1 oyunda qapısını toxunulmaz saxlaya bilib – o da kubok çərçivəsində aşağı liqa təmsilçisi “Morkam” ilə oyunda. Maraqlıdır ki, “Fulhem”, “İpsviç” və “Bornmut” ilə görüşdə “Çelsi” 2 qol buraxıb.

Oyunda intriqa bol olacaq. Omar Marmuşun da startda çıxacağını nəzərə alsaq, vacib oyunda “Mançester Siti”dən azı 2 qol gözləyirəm.

Hesab təxmini: 3:1