Futbolun yazılmamış qanunlarından biri – derbidə favorit olmaz. Lakin həyatın da yazılmamış qanunlarından biri var – ən təhlükəli varlıq küncə sıxılmış varlıqdır… O, həmişəkindən daha təhlükəli və daha güclüdür… Hazırda “Mançester Siti”nin durumu bu cürdür… Bəli, Rodrinin yerini dolduran yoxdur… Rodri ilə yanaşı, müdafiədə ciddi itkilər var… Məhz bu səbəbdən “şəhərlilər” TOP-5 liqa təmsilçiləri arasında noyabrın əvvəlindən ən çox qol buraxan klubdur! İnanılmazdır…

Derbidə favorit olmaz, razıyam, lakin bıçağı öz sümüyünə dirəyən Pep Qvardiola bu prinsipial qarşılaşmadan qalib çıxmağa məcburdur… Son zamanlar əsas problemlərdən biri də Erlinq Haalandın qol epizodlarını sağa-xola xərcləməsidir…

Ruben Amorimin gəlişindən sonra “Mançester Yunayted”də dirçəlişin işartıları olsa da, “qırmızı şeytanlar” xüsusilə səfərdə sanki rəqibə qolları hədiyyə edir…

Başqa sözlə, zənnimcə, bizi hamının proqnozlaşdırdığı formada derbi gözləyir – yəni bol qollu…

Lakin Pep Qvardiola bu döyüşdən qalib və sağ çıxmağa məcburdur… Düşünürəm ki, bu gün Mançester şəhəri maviyə boyanacaq…

Hesab təxmini – 3:1