Paulu Fonsekanın gəlişindən sonrakı çətinlikləri geridə qoyan “Milan” olduqca maraqlı futbol oynayır. Düzdür, həftə içi ÇL çərçivəsində “Srvena Zvezda” ilə oyun bu qəbildən deyildi, lakin istisnalar hər zaman olur. “Rossoneri”nin hücum xətti olduqca effektivdir – orta hesabla hər oyunda 2 qol vurmağı bacarıblar. Əminəm ki, qrafik sıxlığı və bəzi itkilər olmasaydı, bundan daha maraqlı və effektiv “Milan” görə bilərdik.

Əfsanəvi Patrik Vieiranın təyinatından sonra “Cenoa” 3 oyunda maksimuma yaxın nəticə əldə edə bildi. Lakin düşünürəm ki, resursların məhdudluğu və klass fərqi öz sözünü deyəcək. Təbii ki, “Cenoa” ikinci nömrə ilə oynamağa üstünlük verib, “Milan”ın dəhşət saçan hücum xəttini durdurmağa çalışacaq… Alınacaqmı? Ehtimal olduqca azdı…

Hesab təxmini – 2:1