Xerardo Seoane mövsümə olduqca pis başlamışdı – ardıcıl 3 məğlubiyyət. Lakin startdakı rəqiblər “Bavariya”, “Bayer Leverkuzen” və “Volfsburq” idi, ona görə, komandanı qınamaq doğru olmazdı. Ardınca Qladbax vəziyyəti stabilləşdirməyi bacardı. “Ştuttqart” üzərindəki qələbə + Omar Marmuşlu “Ayntraxt” ilə heç-heçə layiqli nəticələr idi. Son 6 oyunda isə onların cəmi 1 məğlubiyyəti var, o da “Auqsburq”dan sürpriz 0:3 hesablı…

Kadr ehtiyyatı olaraq “Münhenqladbax”da vəziyyət idealdan uzaqdır. Xüsusilə, qapıçı Moritz Nikolas zədədən sonra ideal formasından uzaqdır. Əsas problem isə müdafiə xəttindədir – Skalli və İtakura kart cəzalısıdırlar.

“Mainz” ilin tapıntısıdır desək, yanılmarıq. Ötən il bu klub liqada qalmaq uğrunda mübarizə aparırdısa, hazırda Avrokubokları, hətta Çempionlar Liqasını hədəfləyib. Son 3 oyununda “Maniz” qələbə qazanıb. Ümumilikdə isə son 6 turda “ağ-qırmızılar” cəmi 1 dəfə məğlub olub, o da “Verder”ə… açığı, həmin oyunda bəxt Bremen təmsilçisinin tərəfində idi.

Bundesliqadakı çox az sayda klub kadr ehtiyyatı ilə fərəhlənə bilər, onlardan biri də “Mainz”dır. Bo Henriksen üçün təcrübəli Şteffan Belldən başqa bütün oyunçuları əlçatandadır, hətta bir sıra hallarda sağlam rotasiyaya da gedə bilir. Komandanın bütün liderləri bu gün startda çıxa bilər. “Mainz” fanatlarını ən çox sevindirən Conatan Burkhardtın qayıdışıdır. Gənc hücumçu bu mövsüm artıq 15 dəfə rəqib qapılarına yol tapıb. Nəzərə almaq lazımdır ki, forvard bir neçə oyunu zədə ucbatından buraxmalı olub. Bundesliqanın 3-cü ən sərrast oyunçusu bu gün Qladbaxın başını az ağrıtmayacaq…

Statistik olaraq, “Mainz” bu gün Bundesliqadakı ən əlverişli rəqibi ilə qarşılaşacaq – son 8 şəxsi görüşdən heç birini uduzmayan “ağ-qırmızılar” hər hansı başqa rəqibinə qarşı belə bir seriya yaxalamayıb.

Əslində komandaların adlarına nəzər salsaq, sanki bizi bərabər rəqiblərin qasrşıdurması gözləyir. Lakin bir qədər dərinə ensək, Skalli və Itakuranın olmaması, Qladbaxın qapıçısının forması + rəqiblərin hazırkı hədəf və ambisiyaları “Mainz”ı bir baş üstün tutur.

“Mainz” hətta səfərdə “Leipziq” ilə görüşdə də isbat etdi ki, bu mövsüm təsadüfən parlamadı. Kadr ehtiyyatını da işin içinə qoysaq, fikrimcə “Mainz” qələbəyə yaxın olan tərəfdir.

Mərcsevərlər bunu 1.40 əmsalla “Mainz uduzmaz” kimi dəyərləndirə bilər. Mən isə bu oyunu “Mainz udar” məqsədilə baxacam…

Hesab təxmini: 1:2