Bukmekerlər Norveç millisini favorit olaraq görür. Çünki vikinqlər qrup liderindən sırf əlavə göstəricilərə görə gedir qalır. Onların qarşısında isə son Avropa çempioantında pley-off oynamış Sloveniya millisidir. Ehtimal olunur ki, hər iki milli optimal heyəti buraxmaya bilər. Buna baxmayaraq, mövcud resurslarla da hər iki milli publikaya qollu qarşılaşma bəxş edə bilər. Komandaların qrup liderliyi uğrunda mübarizə aparmasını unutmamalıyıq.

Bugünkü rəqibərin heyətində elə adlar var ki, qollu qarşılaşma olmayacağını ehtimal etmək mümkün deyil. Bir tərəfdə istənilən müdafiə xəttinə qorxu salan Erlinq Haaland, digər tərəfdə isə ideal forma yığmış Benjamin Şeşko.

Norveçlilərin favorit olmasının əsas səbəbi ev sahibi olmalarıdır. Lakin komandanın “beyini” Martin Odeqaardın zədəli olmasını unutmaq olmaz. Norveç millisi evində nadir hallarda uduzur. Lakin son oyunlarına fikir versək, onların qələbələri də elə də çox deyil. Slovenlər isə düz 1 ildir məğlub olmur. Bayaq da qeyd etdiyim kimi, komanda Avropa çempionatında da yaxşı oyun sərgilədi. Fikrimcə, komandların şansları bərabərdir.

Hesab proqnozu: 1:1