PSV çempionluq yolunda inamla irəliləyir. 17 tur ərzində Peter Boşun komandası cəmi 2 dəfə uduzub. Qəzadı, hamı ilə baş verə bilər… Yeni ilə Boş və onun kollektivi “Philips Stadion”a 35 min fanatı sevindirmək üçün çıxacaq…

Qış transfer pəncərəsində PSV “siftə” edə bilib. “New England Revolution” forması geyən 19 yaşlı Esmir Bayraktareviç artıq Niderland qrandının uğurları üçün tər tökəcək. Bosniyalı istedad Yohan Bakayokonu əvəz edə bilər. Ən azından gənc oyunçu bu məqsədlə alınıb. Üstəlik, Bakayokoya Avropa nəhəngləri böyük maraq göstərir. Bu baxımdan Boş yeni transferini komandasına tez bir zamanda adaptasiya etməlidir. Bu gün start heyətdə çıxarmı? Ehtimal azdır. Böyük ehtimal gizli “coker” kimi istifadə edəcək.

“Philips Stadion”dakı oyunlar rəqiblər üçün qorxulu yuxu kimidir. Evində oynayan PSV olduqca amansızdır. Düşünün, bu mövsüm onlar ev oyunlarında cəmi 2 dəfə 3 qoldan az vurub. Bu qəhrəmanlığa NEK və “Sparta” imza atıb. Əlavə şərhə ehtiyac yoxdur…

“AZ Alkmaar” Yeni il öncəsi əzəli rəqibi “Tvente”ni məğlub edərək 5-ci pilləyə yüksələ bildi. Maraqlıdır ki, alkmaarlılar böhrandan üzüağ çıxdı və 8 oyundur məğlubiyyətin nə olduğunu bilmir. Troy Parrot isə Yeni ilədək olan hissəni öz aktivinə yaza bilər. Son 3 oyunun hər birində İrlandiya millisinin üzvü 1 qol vura bilib. Hazırda onun aktivində 10 qol var və irlandiyalı istedad yalnız Sem Steyndən (12) geri qalır. PSV-nin bombardiri Rikardo Pepi isə 10 qolla Parrotu izləyir. Beləliklə, bugünkü oyunda əlavə intriqanın olacağı dəqiqdir…

Ötən mövsümədək “AZ Alkmaar”ın “Philips Arena”da işləri pis getmirdi. Lakin ötən səfər faciə ilə yadda qaldı – PSV rəqibni 5:1 darmadağın etdi.

Evində oynayan PSV-dən prinsipial rəqibinə qarşı amansız olmasını gözləyirəm. Düşünürəm ki, PSV ən sevdiyi işlərdən birini yerinə yetirməklə məşğul olacaq – kilidi 1-ci hissədə açmaq… Bu cür prinsipial oyunlarda PSV daha da amansız ola bilir. Yeni ildə ilk oyununa çıxan Boşun kollektivi darıxmış publikaya nostalji yaşada bilər…

Hesab təxmini: 3:1