“Real” ideal formasından çox uzaqdır, səbəbləri də hər kəsə bəllidir. “Kral klubu” “Atletik Bilbao”ya uduzdu, “Rayo Valekano” ilə isə xalları bölüşdürdü. Hər iki rəqib çox güclü pressinq etməyi və kompakt oynamağı bacaran klublardır. Bu isə hazırkı “Real”ın zəif nöqtəsidir. Digər oyunlarda isə “Real” qələbəni sırf klass hesabına əldə edir. Bugünkü oyunda Vinisius oynamayacaq. Ciddi itkidir, lakin son oyunlarda “ayağı açılan” Bellingem oynayacaq.

“Real”ın əsas problemlərindən biri də yorğunluq ola bilər. Lakin bugünkü rəqibi “Sevilya” da yaxşı formada deyil. “Sevilya”da irəliləyiş hiss olunur, lakin Əndəlüs təmsilçisi TOP oyunları əksər hallarda batırır: turnir cədvəlinin ilk 7-liyində olan komandalarla bu mövsüm 6 dəfə qarşılaşan “Sevilya” 1 dəfə belə qələbə qazanmayıb. Komandanın hücum xəttinin də 1 qoldan artığına gücünün çatması inandırıcı gəlmir. Düşünürəm ki, “Real” bu gün səhv etməyəcək.

Hesab təxmini: 2:1