“Venesiya” A Seriyasında qalmaq uğrunda ölüm-dirim mübarizəsi aparmağa davam edir. Eusebio Di Françeskonun komandası hələlik təhlükəli zonadan uzaqlaşa bilməsə də, hər oyunda komandanın düzgün konsentrasiyası gözə girir. Noyabrda komanda “qara zolağ”a düşmüşdü – ardıcıl 4 məğlubiyyət. Lakin o dövrdən sonra komanda son 7 görüşdə cəmi 2 məğlubiyyət aldı – hər iki məğlubiyyət “Inter” və “Napoli” kimi qrandlardan gəldi. Eyni zamanda sözügedən dövrdə yalnız “Kalyari” üzərində qələbə əldə olunub… Heç-heçələri sıralamaqla durumu düzəltmək çətin olacaq və bunu oyunçular da, Di Françesko da gözəl anlayır.

“Vensiya”nın itkiləri çoxdur və problemlər get-gedə artır. Düzdür, heyət buna adaptasiya olunub. Marin Şverko məşqlərə qatılmağa başlayıb – sevindirici xəbərlərdən biri. Komandadakı ab-havanı təzyiq altında saxlayan başqa amil – qış transfer pəncərəsində bəzi oyunçuların klubu tərk etmə ehtimalının olmasıdır. Bu arada “Sürix”in dayaq yarımmüdafiəçisi Şeyx Konde “Venesiya”ya qoşuldu. Hələlik, o, yalnız 2 dəfə görüşün sonlarında daxil olub.

Maraqlı məqam odur ki, son oyunlarda “laqunari” az buraxmağa başlayıb. Son 5 oyunda “qandolyerlər” 1 topdan artıq buraxmayıb. Yenə də nəzərə almalıyıq ki, rəqiblər arasında “Napoli” və “Inter” kimi komandalar var idi. Sezon ortalamasına nəzər salsaq, bəlkə də bəzilərini şok edəcək rəqəb görərik – “Venesiya” gözləniləndən 7 qol az buraxıb, bu isə liqadakı 2-ci ən yaxşı göstəricidir.

“Verona” ardıcıl 2 ağır oyunda “Napoli” və “Latsio”ya uduzdu. Lakin son 5 oyunda “Verona” 4 xal yığıb. “Bolonya” ilə görüşdə əldə olunan 3:2 hesablı qələbə isə sırf xarakter hesabına idi və yalnız xoş sözlərə layiqdir. “Mastiflər” düşmə xəttindən 1 xal uzaqdadırlar və bugünkü görüş onlar üçün də olduqca vacibdir.

“Verona”nın da adr problemləri ciddidir. Cinah müdafiəçisi Martin Freze və mərkəz müdafiəçisi Abdu Harrui komandaya kömək edə bilmiyəcək. Bu azmış kimi, “Latsio” ilə oyunda kart cəzalısı durumuna düşən mərkəz müdafiəçisi Pavel Davidoviç və qırmızı kart alan təcrübəli yarımmüdəfiəçi Ondriy Duda bugünkü görüşdə komandasına kömək edə bilməyəcək. Məşqçinin rotasiyalarını görmək maraqlı olacaq…

Bu gün biz liqada qalmaq uğrunda mübarizə aparan iki komandanın döyüşünü izləyəcəyik. Qələbə qazansa da, “Venesiya” düşmə xətti ilə vidalaşa bilməyəcək, lakin indiki mərhələdə alına biləcək hər xal olduqca vacibdir. “Verona” isə ala biləcəyi 3 xal hesabına dərin nəfəs ala bilər.

“Venesiya” son həftələrdə oyun baxımından çox artırıb – düzdür, qələbə azdır, lakin müdafiənin etibarlılığı hesabına xal yığmaq alınır.

“Verona” ciddi müqavimətlə qarışlaşacaq. “Bolonya” ilə oyunda “partlamasına” baxmayaraq, son 5 oyundan 4-də ümumiyyətlə qol vura bilməyib. Lakin birbaşa rəqibinə 1 qol vurması təəccüblü olmaz. Nəzərə alaq ki, bugünkü rəqiblərinə qol vurmağı bacarırlar…

Nəzərə alsaq ki, hər iki komandaya xal lazımdır, oyunda ehtiyyat və qopma templəri bir-birini əvəz edə bilər.

“Venesiya”nın performansını və “Verona”nın itkilərini nəzərə alsaq, ev sahibinin hər hansı hissəni qazanması məntiqlidir və onların potensialı buna imkan verir.

Hesab təxmini: 2:1