Hazenhüttlin rəhbərliyi altında “Volfsburq” əla seriya ilə gedirdi. Ötən həftə “Frayburq” bu komandanın 8 oyunluq məğlubiyyətsizlik seriyasını qırdı. Uzunmüddətli perspektivdə baxsaq, bu, “ağ-yaşıllar” üçün ciddi problem olmamalıdır. Avstriyalı mütəxəssis hər bir oyunçusuna qarşı fərdi yanaşma tətbiq edərək əsl komanda ruhu yarada bilib. Sadə bir statistikanı diqqətinizə çatdırım – ötən turu da nəzərə alsaq, komandanın 16 oyunçusu bu mövsüm fərqlənib. Qısası, “Dortmund”u çətin səfər gözləyir…

“Dortmund”un başının üstündəki qara buludlar dağılmır. Nuri Şahinin kadr problemləri olsa da, hər şeyi bu amilin üstünə yıxmaq doğru deyil. “Arılar” komanda oyunundan uzaqdır. Üstəlik, komandanın səfər oyunlarında rəzil statistikası var. Sevindirici xəbər odur ki, əsas heyətin bir sıra oyunçusu qayıdır. “Dortmund” artıq hər oyuna ölüm-dirim oyunu kimi baxmalıdır. Bu gedişat isə bunun inandırıcı olmadığını göstərir.

Hesab təxmini: 3:1