Ötən tur “Volfsburq” “Allianz Arena”da az qala sensasiyaya imza atırdı, lakin “ev “Bavariya” klass hesabına istədiyini əldə etdi – 3:2. Nəticəyə baxmayaraq, “Volfsburq” əla forma yığıb və Avrokuboklar uğrunda mübarizəsini davam etdirir. 12 tur ərzində Ralf Hazenhüttlün kollektivi cəmi 3 məğlubiyyət alıb – “Bavariya” ilə yanaşı, onlar “Dortmund” (1:3) və “Frayburq”a (2:3) uduzub.

“Volfsburq”un uzun müddət hazırladığı transfer nəhayət baş tutdu: Skov Olsen “canavarlar”ın sırasına qoşuldu. Əslində “Bavariya” ilə oyunda onun adı sifariş ərizəsində idi, lakin meydana çıxmadı. Baş məşqçi hesab etdi ki, o, komandaya tam adaptasiya olunmayıb. Bugünkü oyunda isə debüt baş tuta bilər. Xatırladaq ki, Olsen bu mövsüm “Brügge”də 8 qol + 6 assist ilə yadda qalıb.

“Volfsburq”un məhsuldarlığı son oyunlarda göz qamaşdırır. Son 10 oyunda “canavarlar” qolsuz meydanı tərk etməyib və totalda 27 qolla yadda qalıblar – orta hesabla hər oyunda 3+ top. Onların hücum xəttini hətta liqanın statistik olaraq ən etibarlı müdafiəsi sayılan “Bavariya” da durdura bilmədi.

“Dortmund”un rəzil durumundan hətta “Holşteyn Kil” də istifadə etdi və 3 xalı qopardı – 4:2. Lakin son turda “Hoffenhaym”ın darmadağınına tuş gələn Marsel Rappın kollektivi turnir cədvəlinin dibinə qayıtdı. “Holşteyn Kil” üçün hələ hər şey bitməyib, lakin onların performansı komandanın gələcəyi haqda aydın şəkildə hər hansı proqnoz etməyə imkan vermir.

Kapitan Lyuis Holtbinin diskvalifikasiyası “Holşteyn Kil”ə əlavə problemlər yatadı. Çünki təcrübəli oyunçu formasını yığmağa başlamışdı. “Dortmund” ilə oyunda Holtbi birbaşa qırmızı kart aldı və artıq 2-ci oyunu buraxmalı olacaq. Problem bundadır ki, Marsel Rapp onsuz da zədəli olan iki dayaq yarımmüdafiəçi Erras və Şultsun xidmətlərindən faydalana bilmir.

“Holşteyn Kil” hələ də Bundesliqanın ən çox qol buraxan komandasıdır: 18 tura “leyləklər” 46 top buraxıb. Yeni il fasiləsindən sonra 3 turda “Holşteyn Kil” 8 top buraxıb. Lakin hücum xəttinin oyandığını görmək olar.

“Volfsburq”un yığdığı forma ideala yaxın kimi görünür. Sezon startında Hazenhüttlün kollektivi böhrana girsə də, hazırda ən qəliz rəqib statusundadır. Nə qədər olmaya, biz Bundesliqanın ən çox qol vuran komandalarından birindən danışırıq… “Canavarlar” Avrokubokları hədəfləyib və belə oyunlarda qələbə qazanmaq məcburiyyətindədir.

“Holşteyn Kil” də oyanıb, lakin hücum xəttinin gördüyü işlərin üstündən Bundesliqa səviyyəsinə yüksələ bilməyən müdafiə axsadır.

Cümə gününə uyğun bir bol qollu qarşılaşma gözləyirəm. “Holşteyn Kil”in göstərə biləcəyi dirənci nəzərə alaraq, tərəfə yox, qollara yönələcəm.

Hesab təxmini: 3:2